1. Son suxeitos pasivos en concepto de contribuínte, as persoas físicas ou xurídicas e as entidades ás que a normativa tributaria impón o cumprimento de obrigas tributarias que sexan:

a) No caso sinalado coa letra a) no artigo anterior, o propietario, usufrutuario ou titular de dominio útil do inmoble.

b) No caso sinalado coa letra b) no artigo anterior, os ocupantes ou usuarios dos inmobles beneficiarios deste servizos, calquera que sexa o seu título: propietarios, usufrutuarios, habitacionistas ou arrendatarios, incluso en precario.

2. En todo caso, terá a consideración de suxeito pasivo substituto do contribuínte o propietario do inmoble.

Artigo 3. Cota Tributaria

Establecemento das seguintes tarifas a percibir polo concesionario do servizo de saneamento:

Acometida á rede de sumidoiros

79,40€

Cambios de titularidade.

14,25€

Tarifa por dispoñibilidade do servizo

5,0€/trimestre

Bloque

Consumo trimestral de auga

Tarifa (€/m3)

Bloque 1

De 0 a 30 m3

0,1200€/m3

Bloque 2

De 30 a 55m3

0,2500€/m3

Bloque 3

Máis de 55m3

0,560€/m3

Bloque 4

Usuarios que non dispoñan de servizo de abastecemento municipal pero que si efectúen verquidos na rede de saneamento

24,37€/trimestre

Bloque 5

Concellos limítrofes que efectúen verquidos na rede de saneamento de Culleredo

0,560€/m3

a. As familias numerosas de categoría especial terán unha bonificación na tarifa relacionada co consumo por servizos de rede de sumidoiros do 50% sobre os consumos comprendidos entre 30 e 60 m3.

b. As familias numerosas de categoría xeral terán unha bonificación na tarifa relacionada co consumo por servizos de rede de sumidoiros do 50% sobre os consumos comprendidos entre 30 e 50 m3.

c. A bonificación só será aplicable á vivenda habitual do contribuínte.

d. Os suxeitos pasivos que, cumprindo os requisitos establecidos no apartado anterior, pretendan obter a bonificación regulada neste apartado, deberán presentar unha solicitude antes do comezo do período impositivo en que se pretenda que comece a mesma. No caso de alta no servizo, a solicitude de bonificación presentarase conxuntamente coa solicitude de alta. Coa mesma deberá achegarse a seguinte documentación:

i. Copia compulsada de título de familia numerosa expedido polo órgano competente.

ii. Certificado de empadroamento do titular da familia numerosa, referido á situación existente a 31 de decembro do ano inmediato anterior, na que consten os membros da unidade familiar que conviven no inmoble para o que se solicita bonificación.

e. A bonificación concedida terá efectos no ano natural no que se insta a súa concesión, debendo solicitarse a prórroga nos anos sucesivos, achegando a documentación que acredite que se seguen cumprindo os requisitos para a súa obtención.

Esta tarifa entrará en vigor o 1 de abril de 2012.

Artigo 4. Devengo

1. Cota de dispoñibilidade e consumo: o periodo impositivo coincide co trimestre natural. O devengo prodúcese o primeiro dia do periodo impositivo salvo nos caso de alta no servizo en que o devengo se produce no momento en que se inicie a prestación do servizo. Enténdese iniciada a prestación do servizo cando se conceda a licenza de enganche ou desde que teña lugar o enganche á rede, aínda que non se obtivese a licenza e sen prexuízo do inicio do expediente adminsitrativo que poida instruírse para a súa autorización.

2. Enganches á rede e cambios de titularidade: devéngase a taxa no momento en que se inicie a prestación do servizo. Enténdese iniciada a prestación do servizo cando este sexa solicitado ou desde a data que se utiliza o mesmo sen estar debidamente autorizado e, en consecuencia, desde que se inicie a posibilidade por parte do usuario de utilización do servizo.

Artigo 5. Xestión.

1. Consumo: O cobramento das cotas realizarase en liquidacións trimestrais sen que sexa necesaria a notificación das cotas sucesivas que se deriven da declaración de alta, sen prexuízo da remisión do recibo correspondente cos detalles da facturación. O Censo de Contribuíntes do primeiro trimestre aprobarase e exporase ao público para reclamacións dentro do primeiro semestre de cada exercicio económico servindo como notificación colectiva dos vencementos do exercicio. Todo abonado, con independencia do consumo, pagará trimestralmente polo feito de dispoñer do servizo, unha cota mínima denominada cota de dispoñibilidade. Polo feito de abonar esta cota os abonados poderán consumir 27 metros cúbicos trimestrais. Tanto a cota de dispoñibilidade como o consumo que leva consigo será calculada por días, considerando meses de 30 días, cando o devengo da taxa se produza con posterioridade ao primeiro día do trimestre natural.

2. Enganches á rede e cambios de titularidade: O contribuínte formulará a oportuna solicitude da actividade indicada, que non se realizará ou tramitará sen que se teña efectuado o pagamento correspondente

Artigo 6.º.-Bonificacións

1. As familias numerosas de categoría especial terán unha bonificación na taxa por consumo de auga do 50% sobre o consumo non incluído na cota de dispoñibilidade ata un máximo de 33 m³.

2. As familias numerosas de categoría xeral terán unha bonificación na taxa por consumo de auga do 50% sobre o consumo non incluído na cota de dispoñibilidade ata un máximo de 23 m³.

3. A bonificación só será aplicable á vivenda habitual do contribuínte.

4. Os suxeitos pasivos que, cumprindo os requisitos establecidos no apartado anterior, pretendan obter a bonificación regulada neste apartado, deberán presentar unha solicitude antes do 1 de xaneiro do ano correspondente ao período impositivo en que se pretenda que comece a mesma. No caso de alta no servizo, a solicitude de bonificación presentarase conxuntamente coa solicitude de alta. Coa mesma deberá achegarse a seguinte documentación:

¿ Copia compulsada de título de familia numerosa expedido polo órgano competente.

¿ Certificado de empadroamento do titular da familia numerosa, referido á situación existente a 31 de decembro do ano inmediato anterior, na que consten os membros da unidade familiar que conviven no inmoble para o que se solicita bonificación.

5. A bonificación concedida terá efectos durante o ano natural no que se insta a súa concesión, debendo solicitarse a prórroga nos anos sucesivos, achegando a documentación que acredite que se seguen cumprindo os requisitos para a súa obtención.

Disposición final

A imposición deste tributo foi acordada en sesión plenaria celebrada o día 27/10/1998. A presente Ordenanza Fiscal foi aprobada en sesión plenaria celebrada o día 27/10/1998, sendo modificada posteriormente en sesións plenarias celebradas os días 26/10/1999, 07/11/2000, 27/11/2001, 29/10/2002, 28/10/2003, 27/04/2004, 26/10/2004, 25/10/2005 e 31/10/2006.A presente modificación foi aprobada en sesión plenaria de 25/09/2007. Entrará en vigor o día da súa publicación no Boletín Oficial da Provincia. Comezará a aplicarse a partir do día 1 de xaneiro de 2008, permanecendo en vigor ata a súa modificación ou derrogación expresa