En uso das facultades concedidas polos artigos 131.2 e 142 da Constitución e polo artigo 105 da Ley 7/1995, do 2 de abril, reguladora das Bases de Reximen Local, e de acordo co disposto nos artigos 15 ó 19 do texto refundido da Lei de Facendas Locais, aprobado por Real Decreto Legislativo 2/2004 de 5 de marzo, este Concello establece a taxa pola prestación do subministro domiciliario de auga potable, que se rexerá pola presente Ordenanza Fiscal, aténdose as súas normas ó previsto no artigo 20 -apartado 1, letra B) e apartado 4, letra t), e no artigo 58 da xa citada Lei 39/1988.

Artigo 2.º .-Feito impoñible.

Constitué o feito impoñible desta taxa a prestación do servicio do subministro domiciliario de auga potable, a conservación de contadores e a súa reparación.

Artigo 3.º .-Suxeitos Pasivos.

1.-Son suxeitos pasivos contribuíntes as persoas físicas ou xurídicas e as entidades a que se refire o artigo 33 da Lei Xeral Tributaria, que sexan usuarios do servicio e as que resulten beneficiadas ou afectadas por dito servicio.

2.-Terá a consideración de suxeito pasivo sustituto do contribuínte, o propietario das vivendas ou locais, que poderá repercutir, no seu caso, as cotas satisfeitas sobre os respectivos beneficiarios do servicio.

Artigo 4.º .-Responsables.

1.-Responderán solidariamente das obrigas tributarias do suxeito pasivo as persoas fisicas e xurídicas a que se refiren os artigos 38.1 e 39 da Lei Xeral Tributaria.

2.-Serán responsables subsidiarios os Administradores das sociedades e os Síndicos, Interventores ou Liquidadores de quebras, concursos, sociedades e entidades en xeral, nos supostos e co alcance que sinala o artigo 40 da Lei Xeral Tributaria.

Artigo 5.º .-Bases de imposición e tipos de gravame.

1. As bases de imposición e os tipos de gravame son os contidos nas tarifas recollidas na seguinte táboa:
Conceptos
Importes 2016
Cota fixa
9,00 €
Consumo entre 0 e 30 m3 cada tres meses
0,16 €/m3
Consumo entre 31 e 50 m3 cada tres meses
0,33 €/m3
Consumo de máis de 51 m3 cada tres meses
0,66 €/m3
Dereitos de acometida
135,00 €
No referido aos dereitos de acometida, o importe indicado comprenderá a instalación polo Concello da chave de paso, do colar e ata 15 metros de tubaxe. O resto das instalacións e obras necesarias serán por conta da persoa usuaria do servizo, e serán previamente revisadas polos servizos municipais.
2. As anteriores tarifas actualizaranse anualmente e de forma automática segundo o índice de prezos ao consumo (IPC) publicado polo INE.

Artigo 6.º .-Exencións.

Non se concederá exención ningunha na exacción da presente taxa.

Artigo 7º.-Bonificacións.

Concederase unha bonificación do 50% aos suxeitos pasivos titulares do ben obxecto da presente ordenanza, que teñan entre 12 e 30 anos e que acrediten ser posuidores do carnet xove. Esta bonificación será solicitada polo usuario en cada anualidade de exacción da presente taxa.

Artigo 8.º .-Devengo.

Devéngase a taxa e nace a obriga de contribuir dende o momento en que se inicia a prestación do servicio.

Artigo 9.º .-Liquidación e recadación.

1. As tarifas serán liquidadas por períodos trimestrais vencidos.

2.-O período voluntario de cobramento será de dous meses, a contar dende o día en que se poñan os recibos ó cobro. Transcorrido dito período sen se ter efectuado o ingreso, abrirase a vía de constriximento e reportarase o recargo do 20 por 100 da débeda non ingresada así como o dos intereses de demora correspondentes a este, computándose no seu caso, como pagos a conta, as cantidades pagadas fóra de plazo.

3.-Este recargo será do 10 por 100 cando a débeda non ingresada se satisfaga antes de que fose notificada ó debedor a providencia de constriximento, e non se esixirán os intereses de demora reportados dende o comezo do período executivo.

Artigo 10.º .-Infraccións e Sancións.

En todo o relativo á cualificación de infraccións tributarias, así como das sancións que as mesmas correspondan en cada caso, estarase ó previsto nos artigos 77 e seguintes da Lei Xeral Tributaria e disposicións concordantes.

Artigo 11.º .-Remisión o Regulamento do Servicio.

En todo o non especialmente previsto nesta Ordenanza estarase ó disposto no Regulamento do Servicio Municipal de Abastecemento domiciliario de auga potable de San Sadurniño.

Disposición Final.

A presente ordenanza fiscal entrará en vigor o día seguinte da súa publicación no Boletín Oficial da Provincia, e comezará a aplicarse a partir do día primeiro de xaneiro de 2008, permanecendo en vigor ata a súa modificación ou derrogación expresas.

Conceptos	Importes 2016
Cota fixa	9,00 €
Consumo entre 0 e 30 m3 cada tres meses	0,16 €/m3
Consumo entre 31 e 50 m3 cada tres meses	0,33 €/m3
Consumo de máis de 51 m3 cada tres meses	0,66 €/m3
Dereitos de acometida	135,00 €