Betanzos - ORDENANZA FISCAL N.º 12 REGULADORA DA TAXA POR OCUPACIÓN DE TERREOS DE USO PÚBLICO LOCAL CON MERCADORÍAS, MATERIAIS DE CONSTRUCIÓN, REFUGALLOS, VALOS E INSTALACIÓNS ANÁLOGAS

Constitúe o feito impoñible desta taxa as ocupacións seguintes:

a) Valos, guindastres, elevadores, estadas e outras instalacións semellantes, colocadas na vía pública para a protección ou o servizo das obras lindeiras.

b)Puntais, armazóns de esteo e toda clase de apeos de edificios.

c) Ocupación con mercadorías, materiais de construción, cascallos ou outros elementos similares cuxo destino non sexa permanecer no devandito lugar.

Se o aproveitamento se realizase sen obter licenza, considerarase que ten a condición de suxeito pasivo o titular da empresa que execute as obras ou o dono destas, se for coñecido

A base e a cota tributaria determinaranse de acordo coa seguinte tarifa:

1. Por calquera das ocupacións que constitúen o feito impoñible

1.1 Por m² ou fracción ao día (senón se superasen os 30 días) 0,79 €

1.2 Por metro cadrado ou fracción por mes 16,59 €

2. Tarifa mínima 40,05 €

A taxa devindicarase na súa totalidade no momento de solicitarse a licenza ou iniciarse o aproveitamento, aínda cando non se obtivese a correspondente licenza. A taxa se esixirá en réxime de autoliquidación. No momento de presentación das solicitudes a taxa ten que estar abonada polos suxeitos pasivos e presentar o xustificante xunto coa solicitude. Os escritos recibidos que non veñan debidamente cubertos serán admitidos provisionalmente, pero non poderán dárselles curso sen que se enmende a deficiencia. Con este fin, requerirase ao interesado para que, nun prazo de 10 días abone as cotas correspondentes co apercibimento de que, transcorrido o devandito prazo sen efectualo, teranse os escritos por non presentados e será arquivada a solicitude.

Bonificación do 60% da cota tributaria no caso de actuacións no casco histórico e na zona ARICH.

Gozarán de exención desta taxa ata o 31 de decembro de 2020 aquelas familias que, polas súas circunstancias persoais estean a ser atendidas, e así o dispoña o informe emitido polos técnicos dos Servizos Sociais do Concello no caso de solicitar licencia de obras de necesidade imperiosa para a habitabilidade da súa vivenda habitual.

A presente Ordenanza, foi aprobada con data de vinte de decembro de 2001 e comezará a rexer con efectos do día 1 de xaneiro de 2002 e producirá efectos en tanto non se acorde a súa modificación ou derrogación.