Cariño - ORDENANZA FISGAL NÚMERO 4, REGULADORA DO IMPOSTQ SOBRE CONSTRUCCIÓNS. INSTALACIÓNS E OBRAS

De conformidade  co disposto nos artigos 60.2, e 101 e seguintes da Lei 39/1988, do 28 de septembro, Reguladora das Facendas Locais, e segundo o disposto nos artigos 15 e seguintes da mesma Lei, o Concello de Cariño establece o Imposto sobre Construccións, Instalacións e Obras.

O Imposto sobre Construccións, Instalacións e Obras e un tributo indirecto

Constitúe o feito impoñible do Imposto sobre Construccións, Instalacións e Obras a realización no termino municipal de Cariño, de calquera construcción, instalación ou obra para a que se esixa obtela ,correspondente licencia de obras ou urbanística, téñase obtido ou non dita licencia, sempre que a súa expedición corresponda a este Concello de Cariño.

A título enunciativo constitúen o feito impoñible deste imposto a realización das seguintes obras:

a) Construcción de toda clase de edificacións e de instalacións de nova planta.

b) Derrubamentos.

c) Calquera modificación interior ou exterior de edificios.

d) Aliñacións e rasantes.

e) As de fontanería e da rede de sumidoiros.

f) As que se realicen en cemiterios.

g) Calquera outra construcción, instalación ou obra que precise licencia urbanística, sempre que a súa expedición corresponda ó Concello de Cariño.

Exímese do pagamento do Imposto sobre Construccións, Instalacións e Obras:

a.- A realización de calquera construcción, instalación ou obra da que sexan donos o Estado, as comunidades autónomas ou as entidades locais que, estando suxeitas ó mesmo, vaian ser directamente destinadas a estradas,  ferrocarrís, portos, aeroportos, obras hidráulicas, saneamentos de poboacións e das súas augas residuais, aínda que a xestión se leve a cabo por organismos autónomos.tanto se se trata de obras de inversión nova como de conservación.

b.- As demais construccións, instalacións ou obras executadas polo Estado, a Comunidade Autónoma, ou outra entidade local, ou os seus organismos autónomos que, unha vez executadas, vaian ser entregadas ó patrimonio municipal.

c.- As obras que consistan en construccións e reconstruccións de muros ou valados cando previamente o suxeito pasivo tivera cedido ó Concello terreo para. o ensanche de vías públicas.

1. Terán a condición de suxeitos pasivos deste imposto a titulo de contribuínte:

a)  As persoas físicas ou xurídicas e as entidades a que se refire o ártigo 33 da Lei Xeral Tributaria, propietarias dos inmobles sobre os que se realicen as construccións, instalacións ou obras, sempre que sexan donos das obras.

b) Quen ostente a condición de dono da obra nos demais casos.

2. Teñen a consideración de suxeitos pasivos substitutos do contribuínte aqueles que soliciten as correspondentes licencias ou realicen as construccións, instalacións ou obras, se non fosen os propios contribuintes

A obriga de contribuír nace no momento de iniciarse a obra, mesmo nos casos en que comece sen a licencia pertinente.

1. A base impoñible deste imposto constitúea o custo real e efectivo da obra, instalación ou construcción.

2. 0 tipo de gravame será do dous por cento (2%).

3. A cota do imposto será o resultado de aplicarlle á base impoñible o tipo de gravame.

1. Concedida a licencia farase unha liquidación provisional tomando como base impoñible o presuposto que presenten os interesados visado polo correspondente colexio oficial. De non presentalo, o técnico municipal determinará a base impoñible de acordo co custo estimado do proxecto.

2. A vista da obra realizada e o seu custo, o Concello, previa comprobación administrativa, modificará, se é o caso, a base impoñible provisional, facendo a correspondente liquidación definitiva e esixindo ou reintegrando ó suxeito pasivo a cantidade que corresponda.

Realizarase de acordo con previsto na Lei Xeral Tributaria e nas demais Leis do Estado reguladoras da materia, así como nas disposicións dictadas para o seu desenvolvemento.

1. As cotas liquidadas e non satisfeitas dentro do período voluntario faranse efectivas por vía de constriximento, consonte coas normas do Regulamento Xeral de Recadación.

2. As liquidacións notificaranse ós suxeitos pasivos, con expresión dos requisitos previstos no artigo 124 da Lei Xeral Tributaria.

Consideraranse partidas fallidas ou,créditos incobrables aquelas cotas que non se puideran facer efectivas polo procedemento de constrinximento, e para a súa declaración formalizarase o oportuno expediente, de acordo con previsto no vixente Regulamento Xeral de Recadación

A presente Ordenanza comezará a aplicarse a partir do 1 de xaneiro de 1995 e sucesivos, ata que se acorde a súa, modificación ou derrogación expresa.

Cariño, 4 de agosto de 1994.