Cerceda - ORDENANZA FISCAL Nº 19.-TAXA POLO USO DAS INSTALACIÓN INTEGRANTES DO PARQUE ACUÁTICO DE CERCEDA
Artigo 1. Fundamento e réxime
Este Concello conforme ó autorizado polo artigo 106 da Lei 7/85 do 2 de abril, reguladora das Bases do Réxime Local e de acordo co previsto no artigo 20.4.o) do Texto refundido da Lei reguladora das Facendas Locais, aprobado por Real decreto 2/2004, de 5 de marzo, establece a Taxa pola entrada e uso das instalacións do parque acuático de Cerceda.
Artigo 2. Feito Impoñible
Constitúe o feito impoñible deste tributo a entrada e o uso das instalacións que integran o parque acuático de Cerceda.
Artigo 3. Devengo
A obrigación de contribuír nacerá dende que se inicie a utilización, mediante a entrada ó recinto.
Artigo 4. Suxeitos pasivos
Están obrigados ó pago as persoas naturais e xurídicas usuarias das instalacións.
Artigo 5. Base impoñible e liquidable
Tomarase como base do presente tributo o número de persoas que efectúen a entrada.
Artigo 6. Cota tributaria
As tarifas a aplicar serán as seguintes (en euros):
Diario | Adultos | 5,00 euros |
| 5-12 anos | 3,80 euros |
| 0-4 anos | 0,00 euros |
Sábado, domingo e festivos | Adultos | 6,00 euros |
| 5-12 anos | 4,00 euros |
| 0-4 anos | 0,00 euros |
Abono mensual | Adultos | 63,00 euros |
| 5-12 anos | 43,00 euros |
Abono quincenal | Adultos | 38,00 euros |
| 5-12 anos | 27,00 euros |
Abono semanal | Adultos | 22,00 euros |
| 5-12 anos | 15,25 euros |
Artigo 7.- Normas de xestión.
7.1- Con carácter xeral, a cota tributaria aboarase no momento da entrada ó parque.
7.2- Dacordo co establecido na Lei 40/2003, do 18 de novembro, de protección ás familias numerosas, establécense unha seria de bonificacións para os membros destas familias, quedando as cotas do xeito seguinte:
Diario | Adultos | 4,50 euros |
| 5-12 anos | 2,60 euros |
| 0-4 anos | 0,00 euros |
Sábado, domingo e festivos | Adultos | 5,00 euros |
| 5-12 anos | 3,20 euros |
| 0-4 anos | 0,00 euros |
Abono mensual | Adultos | 57,00 euros |
| 5-12 anos | 39,00 euros |
Abono quincenal | Adultos | 35,00 euros |
| 5-12 anos | 25,00 euros |
Abono semanal | Adultos | 20,00 euros |
| 5-12 anos | 13,70 euros |
Para a obtención dos descontos por familia numerosa, e imprescindible a acreditación desta condición no momento de aboar a entrada ó parque acuático.
Artigo 8.- Exencións, reduccións e demais beneficios legalmente aplicables.
De conformidade co disposto no artigo 9 do Texto refundido da Lei reguladora das Facendas Locais, aprobado por Real decreto 2/2004, de 5 de marzo, non se recoñece beneficio tributario algún, agás os que sexan consecuencia do establecido nos Tratados ou Acordos Internacionais ou veñan previstos en normas con rango de Lei.
Artigo 9.-Infraccións e sancións tributarias.
En todo o relativo á calificación de infraccións tributarias e sancións, ademais do previsto nesta Ordenanza, estarase ó disposto nos artigos 181 e seguintes da Lei Xeral Tributaria e demais normativa aplicable.