Ribeira - B.2.9 ORDENANZA FISCAL REGULADORA DA TAXA POLO SERVIZO DE MERCADOS MUNICIPAIS

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, de 2 de abril, reguladora das Bases de Réxime Local, e de conformidade co disposto nos artigos 15 a 19 R.D.L. 2/2004, de 5 de marzo, polo que se aproba o texto refundido da Lei reguladora das Facendas Locais, este Concello establece a taxa pola prestación do servizo de mercados municipais, que se rexerá pola presente ordenanza fiscal, que nas súas normas atende ó previsto no art. 57 do citado R.D.L. 2/2004.

Constitúe o feito impoñible desta taxa:

a) A concesión de licencias para a explotación de postos nos mercados municipais.

b) A ocupación de postos nos mercados municipais, ou utilización das instalacións municipais de mercados.

Serán suxeitos pasivos da taxa regulada nesta Ordenanza as persoas físicas ou xurídicas titulares da preceptiva licenza municipal para a utilización das instalacións municipais de mercado, ou quen se beneficie dos servizos ou actividades, prestados ou realizados por este Concello ós que se refire o artigo anterior.

1.- Responderán solidariamente das obrigas tributarias do suxeito pasivo as persoas físicas ou xurídicas ás que se refiren os artigos 42 da Lei Xeral Tributaria.

2.- Serán responsables subsidiarios da débeda tributaria as persoas ou entidades que se recollen no artigo 43 da Lei Xeral Tributaria e co alcance que sinala dito artigo.

1.- A cota tributaria da taxa regulada nesta ordenanza será a fixada nas tarifas contidas no parágrafo seguinte para cada un dos distintos servizos ou actividades.

2.- Tarifas:

Epígrafe 1- Licencias na Mercado de Palmeira:

1.- Posto pechado planta baixa con acceso independente:

- Con 1 ano de vixencia: 105,29 €/ano.

2.- Resto postos pechados:

- Con 1 ano de vixencia: 65,81 €/ano.

3.- Postos abertos:

- Con 1 ano de vixencia: 43,90 €/ano.

Epígrafe 2- Ocupación de postos no Mercado de Palmeira:

1.- Posto pechado planta baixa con acceso independente: 122,398415 €/mes.

2.- Resto postos pechados: 61,261338 €/mes.

3.- Postos abertos (mesas peixe): 12,301971 €/mes.

4.- Almacéns ou depósitos: 20% da tarifa mensual do posto asociado, salvo no caso dos postos abertos, cuxa tarifa mensual será a mesma ca do posto tipificado no apartado 3.

Epígrafe 4- Licencias no Mercado Municipal de Riveira:

1.- Postos pechados:

- Con 1 ano de vixencia: 105,29 €/ano.

2.- Postos abertos:

- Con 1 ano de vixencia: 65,81 €/ano.

Epígrafe 5- Ocupación de postos no Mercado Municipal de Riveira:

1.- Postos pechados: 120 €/mes.

2.- Postos abertos: 100 €/mes.

3.- Almacéns ou depósitos: 20% da tarifa mensual do posto asociado.

3.- Os custes enerxéticos derivados de cada posto (frigoríficos, cámaras, expositores,....etc) aberto ou pechado en ambos Mercados (Riveira e Palmeira), serán a cargo do adxudicatario do posto, tendo a obriga de asinar contrato coa compañía subministradora de electricidade e da presentación dunha copia ante o Concello.

Devéngase a taxa regulada nesta Ordenanza dende que se autorice o dereito de poder utilizar as instalacións dos mercados, ata a caducidade da licenza, salvo que os titulares da mesma renuncien expresamente á mesma. Neste caso, a obriga de pago pola ocupación das instalacións rematará no mes seguinte ó da renuncia. As contías pola concesión da licenza serán irredutibles. Igualmente devéngase a taxa dende o momento da ocupación efectiva do posto no caso de carecer da preceptiva licenza ou no caso dos bonos para venda de quiñóns.

1.- Requisitos para a obtención da licenza de uso das instalacións.

a) Estar ó corrente no imposto de actividades económicas correspondente á actividade a desenrolar.

b) Estar ó corrente de pago na Seguridade Social.

c) No caso de produtos alimenticios, estar en posesión do carné de manipulador de alimentos.

d) Presentaranse no momento da solicitude, dúas fotografías para a expedición do carné acreditativo da licenza, que deberá amosarse a calquera empregado municipal que o solicite.

2.- Os titulares das licencias unicamente poderán adicarse á venda dos produtos que se especifican na mesma.

3.- As licencias non poderán ser transferidas ou subarrendadas. O incumprimento deste precepto será causa automática de revogación da licenza.

4.- Trimestralmente practicaranse as oportunas liquidacións por ocupación de postos, que se notificarán conforme ó previsto no art. 102.1 e 102.2 da Lei Xeral Tributaria para o seu ingreso na Tesourería Municipal nos prazos previstos no art. 20.2 do Regulamento Xeral de Recadación.

5.- As licencias anuais liquidaranse xunto coa liquidación por ocupación do último trimestre no ano.

6.- As cotas liquidadas e non satisfeitas en período voluntario de cobranza esixiranse mediante o procedemento de prema.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto nos art.181 e seguintes da Lei Xeral Tributaria.