Irixoa - ORDENANZA FISCAL NÚMERO 10 REGULADORA DO IMPOSTO SOBRE CONSTRUCCIÓNS, INSTALACIÓNS E OBRAS (ICO)

1. De conformidade co previsto no art. 101 do Real Decreto Lexislativo 2/2004, do 5 de marzo, do Texto Refundido da Lei reguladora das Facendas Locais, constitúe o feito impoñible do imposto a realización, dentro do termo municipal, de calquera construción, instalación ou obra para a cal se esixa a obtención da correspondente licenza de obra urbanística, ou a presentación da comunicación previa, declaración responsable, con independencia de que se obtivesen ou presentasen estas, sempre que a súa expedición ou tramitación corresponda a este concello.

2. As construcións, instalacións e obras a que se refire o apartado anterior poderán consistir, a modo enunciativo e non exclusivo, en:

a) Obras de construcións de edificacións e instalacións de todas clases de nova planta.

b) Obras de demolición.

c) Obras en edificios, tanto aquelas que modifiquen a súa disposición interior como o seu aspecto exterior.

d) Aliñacións e rasantes.

e) Obras de fontanería e saneamento.

f) Obras en cemiterios.

g) Calquera outra non especificada e que requira o control urbanístico polo concello.

1. Son suxeitos pasivos deste imposto, a título de contribuínte, as persoas físicas ou xurídicas e as entidades a que se refire o artigo 33 da Lei xeral tributaria, propietarios dos inmobles sobre os que se realicen as construcións, instalacións e obras, sempre que sexan donos das obras; nos demais casos considerarase contribuínte a quen teña a condición de dono da obra.

2. Teñen a condición de suxeitos pasivos substitutos do contribuínte aqueles que soliciten as correspondentes licencias ou realicen as construcións, instalacións ou obras, se non fosen os propios contribuíntes.

1. A base impoñible do imposto está constituída polo custo real e efectivo da construción, instalación ou obra.

2. A cota do imposto será o resultado de aplicarlle á base impoñible o tipo de gravame correspondente.

3. Os tipos de gravame que se establecen, segundo cada tipo de obra, son os seguintes:

a) Tipo xeral, subsidiario e residual: 2,5 %

b) Obras de nova planta e demolicións para calquera tipo de uso, incluídos cerrados, escavacións, abastecemento, etc.:

1- A executar en 1 ou 2 parcelas catastrais: 2,5 %

2- A executar en 3 ou máis parcelas catastrais, cun orzamento superior a 30.000 € e sempre que non se refiran a uso de vivenda: 3,0 %

c) Obras de reforma, reconstrución, substitución ou renovación de elementos, etc.: 2,2 %

4. O imposto retribuirase no momento de iniciarse a construción, instalación ou obra, aínda cando non se solicitase ou obtivese a pertinente licenza, nin se presentase a oportuna comunicación previa ou declaración responsable.

1. Cando o concello acorde ou resolva sobre o control da obra, practicarase unha liquidación provisional, determinándose a base impoñible en función do orzamento de execución material presentado polos interesados, sempre que este fose visado polo colexio oficial correspondente; noutro caso, a base impoñible será determinada polo técnico municipal, de acordo co custo estimado do proxecto ou memoria.

2. Á vista das construcións, instalacións ou obras efectivamente realizadas e o custo real efectivo destas, farase polo concello a oportuna comprobación administrativa, que pode modificar a base impoñible prevista no apartado anterior; se non existise modificación, a liquidación do apartado anterior obterá o carácter de definitiva, pero se existise modificación practicarase unha nova liquidación con carácter definitivo; o resultado da nova liquidación definitiva poderá ser favorable ao Concello, esixíndose ao suxeito pasivo a diferenza, ou favorable ao suxeito pasivo, reintegrándoselle o que corresponda.

3. Para a estimación do custo efectivo e real da construción teranse en conta os seguintes criterios:

a) Nos proxectos técnicos visados polo colexio correspondente ao orzamento de execución material, quedando excluídos polo tanto os gastos xerais, beneficio industrial, honorarios de redacción e IVE.

b) Para os demais supostos o técnico realizará a estimación atendendo aos prezos unitarios fixados no anexo do presente articulado, podendo incluso facerse estimacións por métodos complementarios ou analóxicos, sempre que non existise estimación específica no anexo.

A inspección e recadación do imposto realizarase de acordo co previsto na Lei xeral tributaria; Lei de dereitos e garantía do contribuínte e nas demais leis reguladoras da materia, así como nas disposicións ditadas para o seu desenvolvemento.

En todo o relativo á cualificación das infraccións tributarias, así como na determinación das sancións que por estas correspondan en cada caso, aplicarase o réxime legal e normativo citado anteriormente e que regule a presente materia.

A presente ordenanza fiscal, aprobada orixinariamente por acordo plenario do 11-10-2001, modificado por acordos do 31-5-2002, 20-12-2007, 31-10-2012 e na presente modificación por acordo plenario do 4-11-2015, entrará en vigor e será de plena aplicación, en canto a tal modificación, con data do día seguinte ao da súa publicación no BOP, permanecendo en vigor ata a súa modificación ou derrogación expresa.