Laracha A - ORDENANZA FISCAL Nº 7, REGULADORA DA TAXA POLA UTILIZACIÓN DE CASAS DE BAÑO, DUCHAS, PISCINAS, INSTALACIÓNS DEPORTIVAS E OUTROS SERVICIOS ANÁLOGOS.

No uso das facultades concedidas polos artigos 133.2 e 142 da Constitución e polo artigo 106 da Lei 7/1985, e de conformidade co disposto nos artigos 15 a 19 do Real decreto lexislativo 2/2004 polo que se aproba o texto refundido da Lei reguladora das facendas locais, o Concello da Laracha establece a taxa por utilización de casas de baño, duchas, piscinas, instalacións deportivas e outros servizos análogos.

Constitúe o feito impoñible deste tributo:

a)      O uso das piscinas municipais.

b)      O uso das pistas de tenis.

c)       O uso do frontón.

d)      O uso das demais pistas polideportivas.

e)      Casa de baños.

f)        Duchas.

g)      Outras instalacións análogas.

Así como a prestación dos servizos dos que estean dotadas as transcritas instalacións.

A obriga de contribuír nacerá desde que a utilización se inicie mediante a entrada ao recinto, previo pago da taxa.

Son suxeitos pasivos as persoas físicas, sociedades deportivas e equipos federados ou non, usuarios das instalacións.

Tomarase como base do presente tributo o número de persoas que efectúen a entrada, así como o número de horas ou fracción de utilización das pistas, frontóns e demais instalacións

As tarifas a aplicar serán as seguintes, expresadas en euros:

1. - Utilización do pavillón polideportivo.

Pola utilización de calquera das súas instalacións para uso deportivo ou extradeportivo, por parte de persoas ou entes privados, ou equipos alleos ó municipio, por cada hora ou fracción: 6 euros.

2. - Utilización do campo de fútbol.

Pola utilización do campo por equipos alleos ó municipio, para competición ou adestramento, por cada hora ou fracción: 6 euros.

Quedan exentas as competicións organizadas polo Concello, por equipos federados municipais e entidades deportivas pertencentes ó mesmo.

3. - Piscinas.

Matrícula:

- Por abono individual: 7,5

- Por abono individual e ximnasio: 12

- Por abono familiar: 11

Establecese unha cota de penalización por extravío de carné, a partir da segunda perda, de 3 euros, por renovación.

Entradas:

Baño libre adultos (+ 16 anos): 2,25

Baño libre nenos (- 16 anos): 1,75

Abono 10 baños adultos: 15

Abono 10 años nenos: 10

Abono 20 baños adultos: 27

Abono 20 baños nenos: 18

Abonos:

Abonos individuais: 15

Abonos familiares: 22

Abono individual+ximnasio: 24

Acceso libre a:

- Piscina en todo o horario de apertura.

- Sauna.

- Descontos do 50% nos cursos e actividades.

Cursos Adultos:

1 día: 12

2 días: 21

3 días: 27

1 día abonados: 6

2 días abonados: 10,50

3 días abonados: 13,50

Cursos Infantís:

1 día: 9

2 días: 15

3 días: 21

1 día abonados: 4,5

2 días abonados: 7,5

3 días abonados: 10,50

Cursos Natación escolar:

1 día: 21

2 días: 24

Sala de acondicionamento físico-ximnasio

Sesión: 2,25

Bono mensual: 24

Abonados:

Sesión: 1,12

Bono mensual: 12

Aerobic-Ximnasia de mantemento

Sesión: 3

Sesión abonados: 1,50

Mensual:

1 días: 12

2 días: 21

3 días: 27

1 día abonados: 6

2 días abonados: 10,50

3 días abonados: 13,50

Servicio de Fisioterapia

Sesión: 15,5

Sesión abonados: 12,5

Solarium

Sesión: 3

Bono 10 sesións: 27

Abonados:

Sesión: 2,5

Bono 10 sesións: 21

Terán a consideración de abonados das instalacións quen o solicite ao Concello en instancia dirixida ao señor Alcalde-Presidente, facendo constar idade e domicilio, acompañando dúas fotografías, tamaño carné, por persoa. A calidade de abonado que será outorgada pola Alcaldía, unha vez comprobado que a solicitude reúne tódalas condicións esixidas e que existe cota suficiente para a capacidade das instalacións, estendéndose neste caso o correspondente carné, dará dereito á utilización das instalacións polideportivas, abonando a súa cota mensual, trimestral ou anual.

       Para efectos de verificación dos datos da instancia, será necesaria a exhibición do libro de familia coa comprobación da preceptiva inclusión no padrón de habitantes, no caso de que o domicilio indicado sexa nesta localidade.

                   Os abonados deberán satisfacer as súas cotas como tales dentro dos primeiros cinco días hábiles de cada mes, trimestre ou ano, por adiantado.

            De conformidade co disposto no Real decreto lexislativo 2/2004, non se recoñece beneficio tributario algún, salvo os que sexan consecuencia do establecido nos tratados ou acordos internacionais ou veñan previstos en normas con rango de lei.

En todo o relativo á cualificación de infraccións tributarias e sancións, ademais do previsto nesta ordenanza, rexerase segundo o disposto nos artigos 77 e seguintes da Lei xeral tributaria e demais normativa aplicable.