Pobra do Caramiñal A - ORDENANZA FISCAL REGULADORA DA TAXA POLA RECOLLIDA DE RESIDUOS SÓLIDOS URBANOS.

En uso das facultades concedidas polos artigos 133.2 e 142 da constitución e polo artigo 106 da Lei 7/85, do 2 de abril, reguladora das bases de réxime local, e de conformidade co disposto nos artigos 15 e seguintes do RDL 2/2004, de 5 de marzo, polo que se aproba o texto refundido da Lei Reguladora das Facendas Locais, este concello establece a taxa por recollida de residuos sólidos, que se rexerá pola presente ordenanza fiscal. As normas atenden ó establecido no artigo 57 do citado RDL 2/2004, de 5 de marzo.

1.- Constitúe o feito impoñible da Taxa a prestación do servicio de recepción obrigatoria de recollida de residuos sólidos urbanos de vivendas, aloxamentos e locais ou establecementos onde se exerzan actividades industriais, comerciais, profesionais, artísticas e de servicios; así como o seu tratamento e eliminación.

3.- Non está suxeita á taxa a prestación, de carácter voluntario e a instancia de parte, dos seguintes servicios:

a) Recollida de residuos non cualificados de domiciliarios e urbanos de industrias, hospitais e laboratorios.

b) Recollida de escoiras ou cinzas de calefaccións centrais.

c) Recollida de cascallos de obras."

1.- Son suxeitos pasivos, na condición de contribuíntes, as persoas físicas e xurídicas, así como as comunidades de bens, herdanzas xacentes e demais entidades ás que se refire ó art. 35.4 da lei 58/2003, de 17 de decembro, Xeral Tributaria que ocupen ou utilicen as vivendas e locais nas que se preste o servicio, ben sexa a título de propietario, usufructuario, arrendatario ou mesmo de precario.

2.- Terá a consideración de substituto de contribuínte o propietario das vivendas ou locais, que poderá repercutir as cotas satisfeitas sobre os beneficiarios do servicio.

Responderán de forma solidaria ou subsidiaria das obrigas tributarias do suxeito pasivo as persoas físicas e xurídicas ás que se refiren os artigos 41, 42 e 43 da Lei 58/2003, de 17 de decembro, Xeral Tributaria.

1.- Gozarán de exención subxectiva aqueles contribuíntes que obteñan ingresos anuais inferiores ós que correspondan ó salario interprofesional.

2.- Aplicaráselles unha bonificación do 25 % da cota tributaria do epígrafe 1º.- Vivendas os suxeitos pasivos que ostenten a condición de titulares de familia numerosa, que cumpra ademais o seguinte requisito:

Que a renda dispoñible da unidade familiar, tendo en conta o número de membros desta, non exceda dos límites que figuran no cadro seguinte:

Número de membros da unidade familiar: Importe máximo de renda dispoñible

4: 30.000,00 euros

5: 35.000,00 euros

6: 40.000,00 euros

7: 45.000,00 euros

8 ou mais: 50.000,00 euros

Considerase renda dispoñible ós efectos desta bonificación, á suma das bases impoñibles dos membros da unidade familiar que obteñan rendas suxeitas ó imposto sobre a renda das persoas físicas.

Os suxeitos pasivos que cumpran os requisitos previstos no apartado anterior, e pretendan gozar da bonificación, deberán presenta-la correspondente solicitude no primeiro trimestre do ano natural, e deberán aportar xunto coa solicitude a seguinte documentación:

a.- Copia compulsada do título de familia numerosa expedido polo órgano competente.

b.- Certificado de empadroamento do titular da familia numerosa, referido á situación existente a 31 de decembro do ano inmediato anterior, no que consten os membros da unidade familiar que conviven no inmoble para o que se solicita a bonificación.

c.- Fotocopia compulsada das derradeiras declaracións do imposto sobre a renda das persoas físicas presentadas polo titular da familia numerosa e, no seu caso, por cada un dos membros da unidade familiar que obteñan rendas suxeitas ó referido imposto. No caso de non estar obrigados a presentar declaración de renda, aportaran certificado no que conste que non se ten presentado esta, e nóminas, certificados de retencións ou calquera outro documento que sirva para a determinación da renda dispoñible.

d.- Á vista da documentación presentada, o Alcalde - Presidente ditará Resolución concedendo ou denegando a bonificación solicitada. A bonificación concedida so producirá efectos para o período impositivo no que se insta a súa concesión, debendo solicitarse a súa prórroga nos seguintes períodos impositivos, aportando de novo a documentación que acredite que se seguen a cumpri-los requisitos para o seu goce. En calquera caso, a presentación da solicitude fora do prazo establecido, dará lugar á súa inadmisión e a conseguinte denegación da bonificación instada.

1. A cota tributaria consistirá nunha cantidade fixa, por unidade de local, que se determinará en función da natureza e destino dos inmobles e da categoría do lugar, praza, rúa ou vía pública onde estean situados aqueles.

2. A tal efecto, aplicarase a seguinte tarifa:

CONCEPTO. Tarifa semestral

Importe

EPÍGRAFE 1º.- Vivendas Por cada vivenda (enténdase por vivenda a destinada a domicilio de carácter familiar e aloxamentos que non exceda de 10 prazas) EPÍGRAFE 2.- Hostalería e espectáculos Bar, café-bar e cafetería Pubs, salas de festa, discotecas e clubs Restaurantes con servicio de voda Restaurantes sen servicio de voda Tabernas tradicionais na zona rural Hoteis, hostais e fondas de ata 10 habitacións Hoteis, hostais e fondas con máis de 10 habitacións Salas de xogos recreativos e cines Cámpings EPÍGRAFE 3º.- Alimentación Supermercados de máis de 150 m2 Supermercados de menos de 150 m2 Tendas tradicionais Carnicerías, peixerías e conxelados varios Panaderías e fornos Pastelerías Froiterías Non especificadas nos anteriores apartados EPÍGRAFE 4º.- Comercios De ata 50 m2 de superficie de local De máis de 50 m2 EPÍGRAFE 5º.- Oficinas e despachos Bancos e caixas de aforro Oficinas e axencias Profesións liberais Farmacias Clínicas e consultorios médicos Quioscos EPÍGRAFE 6º.- Almacéns, industrias e fábricas Talleres de máis de 100 m2 Garaxes de máis de 100 m2 Talleres de menos de 100 m2 Garaxes de menos de 100 m2 Depósitos e almacéns de bebidas Depósitos e almacéns de alimentación Depósitos e almacéns de construcción Fábricas de gaseosas Fábricas de confección Fábricas de mobles Fábricas de conservas Frigoríficos e outras industrias en xeral

40,02 € 136,24 € 227,31 € 272,73 € 182,02 € 90,93 € 127,28 € 163,67 € 90,93 € 909,24 € 545,29 € 227,31 € 109,11 € 100,02 € 127,28 € 109,11 € 136,41 € 109,11 € 68,09 € 113,63 € 527,82 € 100,05 € 100,05 € 127,28 € 142,59 € 72,74 € 181,88 € 154,54 € 136,41 € 109,11 € 118,12 € 178,17 € 118,12 € 109,09 € 209,08 € 209,08 € 345,36 € 272,67 €

1.- Devéngase a taxa e nace a obriga de contribuír desde o momento que se inicia a prestación do servicio, entendéndose iniciada, dada a natureza de recepción obrigatoria deste, canto estea establecido e en funcionamento o servicio municipal de recolleita domiciliaria de lixo, nas rúas ou lugares onde figuren as vivendas ou locais utilizados polos contribuíntes suxeitos á taxa.

2.- Establecido e en funcionamento o referido servicio, a taxa devengarase o día un de xaneiro de cada ano, salvo que o devengo da taxa se producise con posterioridade a esa data, neste caso a primeira cota devengarase o primeiro día de prestación do servicio.

1. Dentro dos trinta días hábiles seguintes á data na que se devengue por primeira vez a taxa, os suxeitos pasivos formalizarán a súa inscrición na matrícula, presentando, para tal efecto, a correspondente declaración de alta e ingresando, ó mesmo tempo, a cota da correspondente semestralidade.

2. Cando se coñeza, xa de oficio ou por comunicación dos interesados, calquera variación dos datos que figuran na matrícula, levaranse a cabo nesta as modificacións correspondentes, que producirán efectos a partir do período de cobranza seguinte ó da data na que se efectuou a declaración.

3. O cobramento das cotas efectuarase ó final de cada semestre natural mediante recibo derivado da matrícula.

No tocante a cualificación das infraccións tributarias e as súas correspondentes sancións, estarase ó disposto nos artigos 181 e seguintes da Lei 58/2003, de 17 de decembro, Xeral Tributaria e demais normativa aplicable.

Incluirase, ademais das vivendas ocupadas habitualmente, aquelas que na época do verán se alugaran a forasteiros, independentemente do tempo de alugueiro destas, e a tarifa que se aplique, dado o elevado importe destes alugueiros, será a mesma que se sinala para as vivendas de carácter familiar e talleres de costura unipersoais.