Betanzos - ORDENANZA FISCAL Nº 11, REGULADORA DA TAXA POLA APERTURA DE GABIAS, PROSPECCIONS E CALAS EN TERREOS DE USO PUBLICO, ASI COMO AS REMEXEDURAS DE PAVIMENTOS OU BEIRARRUAS NA VIA PUBLICA

Constitúe o feito impoñible desta taxa:

a) A apertura de gabias, exploracións e calas en terreos de uso público, calquera, que sexa a clase de pavimento que exista no lugar onde se realizan as obras.

b) A remoción de beirarrúas ou de pavimentos nas vías públicas

Se o aproveitamento se realizase sen obter licenza, considerarase que ten a condición de suxeito pasivo o titular da empresa que execute as obras ou o dono e estas, se for coñecido.

A base e a cota tributaría determinaranse de acordo coa seguinte tarifa.

A taxa percibirase na súa totalidade no momento de solicitarse a licenza ou ao iniciarse o aproveitamento, aínda cando non se obtivese a correspondente licenza. A taxa esixirase en réxime de autoliquidación. No momento de presentación das solicitudes a taxa ten que estar abonada polos suxeitos pasivos e débese presentar o xustificante xunto coa solicitude. Os escritos recibidos que non veñan debidamente cubertos serán admitidos provisionalmente, pero non poderá dárselles curso sen que se emende a deficiencia. Con este fin, requerirase ao interesado para que, nun prazo de 10 días abone as cotas correspondentes co apercibimento de que, transcorrido o devandito prazo sen efectualo, teranse os escritos por non presentados e será arquivada a solicitude.

A presente Ordenanza, foi aprobada con data vinte de decembro de 2001 e comezará a rexer con efectos do día 1 de xaneiro de 2002 e producirá efectos en tanto non se acorde a súa modificación ou derrogación.