Outes - Ordenanza reguladora do prezo público pola prestación de actividades culturais e deportivas

Consonte os artigos 41 a 47 e 127 da Lei reguladora de facendas locais (texto refundido aprobado polo Rdl 2/2004, do 5 de marzo -en diante, LRFL), este Concello establece o prezo público pola realización de actividades culturais e deportivas.

O prezo público constitúe unha prestación patrimonial de carácter público que satisfarán os usuarios que voluntariamente soliciten participar nas activivades culturais e deportivas promovidas pola Corporación.

Están obrigados ao pago do prezo público as persoas físicas ou xurídicas (entidades, clubes, federacións, etc.) que soliciten a participación nas anteditas actividades.

Tarifas das actividades programadas

a) As persoas que participen simultáneamente en dúas actividades das recollidas na táboa anterior gozarán dunha redución dun 50% no prezo da que teña un prezo mensual inferior. As que participen simultáneamente en tres ou mais actividades terán unha redución do 50% en cada unha delas.

Establécese unha bonificación do 100% na tarifa do campamento urbano para os participantes que sexan vecinos de Outes. Esta bonificación non é aplicable á tarifa polas excursións que se realicen fóra do termo municipal e se organicen no marco do antedito campamento.

b) A obrigación de pagamento nacerá o día primeiro de cada mes, ou cando solicite a alta na actividade o usuario, sen que as cotas mensuais sexan prorrateables por periodos inferiores ao mes . Se o usuario solicita a baixa antes do día 10 de cada mes, non xurdirá a obriga de pagamento de dito mes.

c) En ningún caso as tarifas serán prorrateables por períodos inferiores ao mes.

d) O pagamento realizarase con periodicidade trimestral, unha vez vencido cada trimestre natural. O prazo de pago abranguerá o mes seguinte ao de cada trimestre.

e) Os prezos polas excursións organizadas no campamento urbano esixiranse en réxime de depósito previo que se realizará, mediante autoliquidación, cando se solicite a prestación do servizo e, en todo caso, antes do seu comezo.

Tarifas da Escola de música

a) As persoas que participen simultáneamente en dúas ou mais áreas das recollidas na táboa anterior gozarán dunha redución dun 50% no prezo da segunda e seguintes areas nas que se incriban. Cando se inscriban dúas ou mais persoas que sexan irmáns, o segundo e sucesivos irmáns gozarán dunha redución do 50% nas áreas nas que se inscriban."

b) A obriga de pagamento xurdirá o día primeiro de cada mes, ou cando solicite a alta na actividade o usuario, sen que as cuotas mensuais sexan prorrateables por periodos inferiores ao mes. Se o usuario solicita a baixa antes do día 10 de cada mes, non xurdirá a obriga de pagamento de dito mes.

c) En ningún caso as tarifas serán prorrateables por períodos inferiores ao mes.

d) O pagamento realizarase con periodicidade mensual. O prazo de pago abranguerá o mes seguinte."

Este acordo entrará en vigor ao día seguinte da súa publicación no Boletín Oficial da Provincia.