Culleredo - Ordenanza fiscal núm. 6, reguladora da taxa por expedición de documentos
Artigo 1. Feito impoñible
Constitúe o feito impoñible da taxa, a actividade administrativa desenvolvida con motivo da tramitación, a instancia de parte, de toda clase de expedientes e documentos.
Para estes efectos, entenderase tramitada a instancia de parte calquera documentación administrativa que fora provocada polo particular ou redunde no seu beneficio, aínda que non tivera mediado solicitude expresa do interesado.
Non estará suxeita a esta taxa a tramitación de documentos e expedientes necesarios para o cumprimento de obrigas fiscais frente ao Concello de Culleredo, así como as consultas tributarias, solicitudes de devolución de ingresos indebidos, recursos administrativos contra acordos municipais e todos aqueles que estean gravados por outra taxa municipal.
Artigo 2. Suxeito Pasivo
Son suxeitos pasivos as persoas físicas ou xurídicas e as entidades ás que a normativa tributaria impón o cumprimento de obrigas tributarias, que soliciten, provoquen ou no interese das que redunde a tramitación do documento ou expediente de que se trate.
Artigo 3. Cota tributaria.
A cota tributaria determinarase por unha cantidade fixa sinalada segundo a natureza dos documentos ou expedientes a tramitar de acordo coas seguintes tarifas:
Certificacións de cualificación urbanística | 84,11 € |
Expedición de Informes Técnicos ou certificacións dos mesmos | 31,89 € |
Expedición de Informes emitidos pola Policía Local, certificacións dos mesmos ou copias de atestados policiais, relativos a accidentes de circulación | 59,70 € |
Expedición de Informes emitidos pola Policía Local, certificacións dos mesmos ou copias de atestados policiais, excepto os relativos a accidentes de circulación | 16,19 € |
Copias de planos existentes en calquera dependencia municipal, por copia | 31,89 € |
Busca ou cotexo de documentos de ata tres ou máis anos | 31,89 € |
Fotocopia realizada nas dependencias Municipais, por unidade | 0,05 € |
Tramitación de expedientes de declaración de ruína | 84,11 € |
Bastanteo de poderes e autorizacións | 6,56 € |
Inscricións no libro do rexistro de unións non matrimoniais | 13,10 € |
Por expediente para celebración de vodas civís no Concello | 196,64 € |
Por Certificacións catastrais descritivas e gráficas referidas unicamente au inmoble, por documento expedido: | 12,72 € |
Cando as certificacións descritivas ou gráficas incorporen, a petición do interesado, datos doutros inmobles, a contía incrementarase (por cada inmoble) en: | 4,22 € |
Por certificacións catastrais literais, por cada documento expedido: | 4,22 € |
Incrementarase por cada un dos bens inmobles a que se refira o documento en: | 4,22 € |
Outro tipo de certificacións catastrais distintas ás anteriores: | 4,22 € |
Artigo 4. Devengo
Devéngase a taxa cando se inicie a actuación ou expediente. No caso de solicitude expresa, entenderase iniciada a actuación ou expediente no momento da súa presentación
Artigo 5. Xestión
A taxa esixirase en réxime de autoliquidación. No momento da presentación da solicitude, o suxeito pasivo deberá acreditar o pagamento da autoliquidación.
No caso de non existencia de solicitude expresa, a administración municipal poderá practicar e notificar unha liquidación provisional
Disposición final
A imposición deste tributo foi acordada en sesión plenaria celebrada o día 27/10/1998. A presente Ordenanza Fiscal foi aprobada en sesión plenaria celebrada o día 27/10/1998, sendo modificada posteriormente en sesións plenarias celebradas os días 26/10/1999, 07/11/2000, 27/11/2001, 29/10/2002 e 28/10/2003. A presente modificación foi aprobada en sesión plenaria de 26/10/2004. Entrará en vigor o día da súa publicación no Boletín Oficial da Provincia. Comezará a aplicarse a partir do día 1 de xaneiro de 2005, permanecendo en vigor ata a súa modificación ou derrogación expresa.