Narón - ORDENANZA FISCAL Nº 10 REGULADORA DA TAXA POR RECOLLIDA DE REFUGALLOS SÓLIDOS URBANOS

No uso das facultades concedidas pola lei reguladora das facendas locais, este Concello establece a Taxa por recollida de lixo, que se rexerá pola presenta Ordenanza fiscal.

1. Constitúe o feito impoñible da taxa a prestación do servizo de recepción obrigatoria de recollida de lixo domiciliaria e refugallos sólidos urbanos de vivendas, aloxamentos e locais ou establecementos.

2.- A tal efecto, consideráse lixo domiciliario e refugallos sólidos urbanos os restos e desperdicios de alimentación ou detritos procedentes da limpeza normal de locais ou vivendas e exclúense de tal concepto os refugallos de tipo industrial, cascallos de obras, detritos humanos, materias e materiais contaminados, corrosivos, perigosos ou se a recollida ou vertido esixe a adopción de especias medidas hixiénicas, profilácticas ou de seguridade.

3.- Non está suxeita á Taxa a prestación, de carácter voluntario e a instancia de parte, dos seguintes servicios:

1. Recollida de lixo e refugallos non cualificados de domiciliarios e urbanos de industrias, hospitais e laboratorios.

2. Recollida de escouras e cinzas de calefaccións centrais.

3. Recollida de cascallos de obras.

1. Son suxeitos pasivos os titulares das vivendas, aloxamentos, locais ou establecementos xa sexa como contribuinte ou como substituto do contribuinte.

2. Son suxeitos pasivos contribuíntes as persoas físicas ou xurídicas e as entidades ás que se refire a Lei xeral tributaria, que ocupen ou utilicen as vivendas e locais emprazados nos lugares, prazas, rúas ou vías públicas nas que se preste o servizo, e as que sexan susceptibles de ser habitadas ou utilizados temporal o permanentemente xa sexa a título de dono ou de usufrutuario, habitacionista, arrendatario ou incluso de precario.

3. Terá a consideración de suxeito pasivo substituto do contribuínte o dono das vivendas ou locais, que poderá repercutir, no seu caso, as cotas satisfeitas sobre os usuarios daquelas, beneficiarios do servizo.

4. Entenderase como vivenda susceptible de ser habitada aquela que dispoña do correspondente certificado de habitabilidade ou, no seu defecto, dos servizos que posibilitan a súa ocupación: subministración de enerxía eléctrica e redes de abastecemento de auga e saneamento, no seu caso, agás no caso de que o inmoble estea declarado en estado de ruína ou presente síntomas manifestos que impidan o uso residencial, circunstancia que deberá acreditarse por informe da Policía Local ou, no seu caso, polos servizos técnicos municipais.

Presumirase que unha vivenda está ocupada cando se produza consumo de auga, de enerxía eléctrica ou de calquera outra subministración.

1.- Responderán solidariamente das obrigacións tributarias do suxeito pasivo as persoas físicas e xurídicas ás que se refiren a Lei Xeral Tributaria.

2.- Serán responsables subsidiarios os administradores das sociedades e os síndicos, interventores ou liquidadores de quebras, concursos, sociedades e entidades en xeral, nos supostos e co alcance que sinala a Lei Xeral Tributaria.

1. A cota tributaria consistirá nunha cantidade fixa, por unidade de local, que se determinará en función da natureza e destino dos inmobles.

2. Para tal efecto, aplicarase a seguinte tarifa:

Nos establecementos hoteleros aboarase, ademais da tarifa que lles corresponda, a cantidade de 2,92 ou 4,38 euros por habitación e mes ou 35,12 ou 52,50 euros por habitación e ano segundo o número de estrelas.

Cando no mesmo establecemento coexistan varias actividades, aplicarase exclusivamente a taxa de maior importe.

No apartado D) POLIGONOS INDUSTRIAIS E SOLO URBANO INDUSTRIAL, incluiranse todas as empresas a excepción de: talleres, supermercados, centros de comercio mixto, grandes almacéns, hipermercados, economatos e cooperativas de consumo e instalacións deportivas privadas; aos cales lles corresponderá as tarifas do apartado C).

A tarifa E) será de aplicación cando a xestión dos residuos se realice na súa totalidade a través do Concello de Narón, no caso contrario aplicarase a do punto D.e)

1.- Devéngase a Taxa e nace a obriga de contribuir desde o intre en que se inicie a prestación do servicio, entendéndose iniciada, dada a natureza de recepción obrigatoria do  mesmo, cando estea establecido e en funcionamento o servicio municipal de recollida de lixo domiciliaria nas rúas ou lugares onde figuren as vivendas ou locais utilizados polos contribuíentes suxeitos á taxa.

2. O período impositivo coincidirá co trimestre natural, e a el referiranse as cotas sinaladas nas tarifas do artigo 5 desta ordenanza.

Establecido o en funcionamento do referido servicio, as cotas percibiranse o primeiro día de cada trimestre natural, salvo nos casos de alta ou baixa en cuxo caso as cotas trimestrais ratearanse por días naturais, de modo que no trimestre en que se produza unha alta esixirase a cota que corresponda dende o día da alta ata o último día do trimestre, ambos inclusive, e no trimestre en que se produza a baixa esixirase a cota que corresponda dende o primeiro día do trimestre ata o día da baixa, ambos inclusive.

3.- O cobro das cotas efectuarase trimestralmente mediante recibo derivado do padrón.

4.- Na zona rural:

a.- Na zona rural xirarase o importe da taxa por recollida de lixo, no mesmo recibo de carácter trimestral no que se inclúen as taxas polos servizos de auga e rede de sumidoiros. Nas vivendas ou empresas da zona rural que non dispoñan de servizo de abastecemento e/ou saneamento xirarase o importe por recollida de lixo da mesma forma, incluíndo as taxas polos servizos de auga e saneamento unha vez que dispoñan dos mesmos).

1. A taxa xestionase a partires dun padrón constituido polo censo comprensivo dos obrigados tributarios, e as tarifas.

A alta no servicio de augas conlevará a correlativa inclusión no censo de recollida de lixo. No momento de formalizar a alta o suxeito pasivo efectuará o ingreso simultáneo da cota dese periodo.

A cobranza poderá realizarse en recibo conxunto coa taxa da rede de sumidoiros e do servizo de abastecemento domiciliario de auga potable.

Están obrigados ó pago as persoas que constan como titulares da vivenda ou local, de conformidade co artigo 3 desta ordenanza.

2. As altas e baixas así como os cambios de tarifas son responsabilidade do suxeito pasivo xa sexa como contribuinte ou como substituto do contribuinte.

4. No caso de que este servizo non se preste simultáneamente co servizo de abastecemento e/ ou saneamento será necesario tramitar a alta de forma individualizada polo suxeito pasivo.

En todo o relativo á cualificación de infraccións tributarias, así como das sancións que ás mesmas correspondan en cada caso, estarase ó disposto na Lei Xeral Tributaria.

A empresa concesionaria do servizo de augas e rede de sumidoiros deberá notificar, ao Concello, cada mes, as altas, baixas, cambios de tarifa e calquera outra modificación, para a elaboración do padrón de recollida de refugallos sólidos urbanos.

A empresa adxudicataria do contrato de servizos de recadación da taxa de residuos sólidos urbanos presentará mensualmente proposta de altas/baixas/variacións no padrón fiscal para que o concello dicte os actos administrativos necesarios. Todo elo sen prexuízo das instruccións específicas ou complementarias que con posterioridade puideran darse polo persoal do concello á dita empresa.

En tanto persistan ás restricccións á actividade económica derivada de situacións de emerxencia ou alerta sanitaria por mor da pandemia do virus COVI-19 adoptadas polas autoridades sanitarias competentes (nacionais ou autonómicas), e que supoñan o cese da actividade económica, procederá a aplicación da tarifa contida no artigo 5.2 A) b) ¿Locais ou establecementos sen actividade" no caso de que se produza dito cese forzoso da actividade económica nos locais e/ou establecementos afectos. Será necesario que o dito peche obrigado se realice por un periodo mínimo de 25 días naturais dentro de cada trimestre.

Tomarase en conta, para a aplicación da dita tarifa, o número total de días nos que se teña producido o cese da actividade polo peche decretado pola autoridade competente, sumando todos os días do peche dentro de cada trimestre natural.

A aplicación da devandita tarifa realizarase a instancia do interesado, previa resolución da Alcaldía, ou órgano compentente, na que se regularán os aspectos formais e se determinará o periodo de solicitude.

Comprobado o cumprimento dos requisitos , recoñecerase ou denegarase ao interesado a aplicación da devandita tarifa, facéndose efectivo o dereito á mesma e, polo tanto, aplicándose no recibo individual do padrón fiscal do seguinte periodo impositivo, de ser posible, ou nos sucesivos.

Esta disposición entrará en vigor o 1 de xaneiro de 2021 e permanecerá en vigor en tanto persista a situación de alerta sanitaria derivada da pandemia do COVID-19.

Cando, por cumprirse as circunstancias previstas no número 3.bis da disposición adicional vixésimo primeira da Lei 11/2013, do 26 de decembro, de orzamentos xerais da Comunidade Autónoma de Galicia para o ano 2014, a persoa titular da Consellaría competente en materia de residuos estableza unha bonificación na contía do canon unitario de tratamento por tonelada de residuos domésticos, e o Concello de Narón decida acollerse á dita medida, o importe equivalente ao da dita bonificación minorarase, de xeito proporcional, da cota tributaria que corresponda a cada un dos obrigados ao pago da taxa no exercicio da súa aplicación.

A redución terá efectos de 1 de xaneiro, facéndose efectivo o dereito á mesma e, polo tanto, practicándose sobre os recibos individuais do padrón, de ser posible, no terceiro trimestre ou no último do exercizo, de non terse aplicado no anterior.

O cadro de tarifas e reducións para o exercicio 2021 será o que se inclúe como anexo I.