Noia - ORDENANZA NÚMERO 25, REGULADORA DA TAXA POLA PRESTACIÓN DO SERVIZO DA PISCINA MUNICIPAL

No uso das facultades concedidas polos art.133.2 e 142 da Constitución e polo art.106 da Lei 7/85, do 2 de abril, reguladora das base de réxime local, e de conformidade co disposto nos art. 15 e 19 do Real decreto lexislativo 2/2004, do 5 de marzo, polo que se aproba o texto refundido da Lei de facendas locais, este Concello establece a taxa pola prestación dos servizos da piscina municipal.

Son suxeitos pasivos desta taxa as persoas físicas ou xurídicas e as entidades a que se refire o art.35.4 da Lei xeral tributaria, que soliciten a utilización das instalacións ou a prestación dos servizos suxeitos a taxa.

Constitúe o feito impoñible desta taxa a utilización das instalacións deportivas da piscina municipal e a prestación do servizo de cursos.

Aplicaranse os beneficios fiscais previstos en normas con rango de lei e nos tratados internacionais.

A determinación da contía que hai que pagar realizarase mediante o sistema de cota fixa segundo as tarifas recollidas no artigo seguinte.

Devéngase a taxa e nace a obriga de contribuír dende que se solicite a prestación dos servizos regulados nesta ordenanza.

1. Os usuarios que abonen a taxa pola entrada á piscina municipal terán dereito a utilizar as instalacións seguintes:

● Piscina climatizada

● Sala de musculación

● Sauna e demais instalacións de relax

2. Os usuarios abonados terán dereito a utilizar as seguintes instalacións:

● Piscina climatizada

● Sala de musculación

● Sauna e demais instalacións de relax

● Actividade ximnasia mantemento.

3. Aos efectos de bono de minusválido, considérase persoa con minusvalía quen teñan a condición legal en grado igual ao 33 por cen. Os interesados deberán aportar certificación de minusvalía emitida pola órgano competente da Comunidade Autónoma.

4. Os grupos escolares e asociacións serán como mínimo de dez persoas para poder levarse a cabo a actividade, salvo naqueles casos que, polas características do grupo, deban ser grupos mais reducidos.

5. A efectos de determinar as inscricións que lles resulta de aplicación a cota cero, entenderase por primeira matricula aquela formalizada con posterioridade a entrada en vigor da modificación da presente ordenanza, devengándose a taxa para aquelas inscricións que constitúan segunda ou posteriores matriculas en relación a dita data.

6. A efectos de acreditar a relación de parella de feito para a cota reducida do abono familiar, deberá achegarse copia de inscrición no rexistro municipal de parellas de feito ou, calquer outra documentación que acredite a mesma.

7. A acreditación da relación matrimonial para o bono familiar realizarase achegando copia do libro de familia.

8. As liquidacións esixiranse mediante autoliquidación no suposto de altas como usuario da instalación ou na prestación do servizo e mediante recibo por padrón para a taxa vinculada os abonados nons períodos seguintes a alta.

9. As solicitudes para o dereito á utilización da instalacións con personal, domingos de 17 a 21 horas, co aforo máximo de 100 persoas, deberá presentarse cunha antelación mínima de quince días.

Para a cualificación das infraccións tributarias, así como das sancións que a elas corresponda en cada caso, estarase o disposto nos artigos 178 e seguintes da Lei xeral tributaria.

A presente ordenanza fiscal entrará en vigor o día seguinte da súa publicación e producirá efectos mentres non se acorde a súa derrogación ou modificación.