Noia - ORDENANZA NÚMERO 25, REGULADORA DA TAXA POLA PRESTACIÓN DO SERVIZO DA PISCINA MUNICIPAL

No uso das facultades concedidas polos art. 133.2 e 142 da Constitución e polo art. 106 da Lei 7/85, do 2 de abril, reguladora das bases de réxime local, e de conformidade co disposto nos art.15 e 19 do Real decreto lexislativo 2/2004, do 5 de marzo, polo que se aproba o texto refundido da Lei de facendas locais, este Concello establece a taxa pola prestación dos servizos da piscina municipal.

Son suxeitos pasivos desta taxa as persoas físicas ou xurídicas e as entidades a que se refire o art. 35.4 da Lei xeral tributaria, que soliciten a utilización das instalacións ou a prestación dos servizos suxeitos á taxa.

Constitúe o feito impoñible desta taxa a utilización das instalacións deportivas da piscina municipal e a prestación do servizos de cursos.

Aplicaranse os beneficios fiscais previstos en normas con rango de lei e nos tratados internacionais.

A determinación da contía que hai que pagar realizarase mediante o sistema de cota fixa segundo as tarifas recollidas no artigo seguinte.

I.-ABONOS.

II.-NON ABONADOS:

III.-CURSOS:

IV.-PRESTACIÓN DE OUTROS SERVIZOS:

Devéngase a taxa e nace a obriga de contribuír dende que se solicite a prestación dos servizos regulados esta ordenanza.

1.Os usuarios que abonen a taxa pola entrada á piscina municipal terán dereito a utilizar as seguintes instalacións:

.Piscina climatizada.

.Sala de musculación.

.Sauna e demais instalacións de relax.

2. Os usuarios abonados terán dereito a utilizar:

.Piscina climatizada.

.Sala de musculación

.Sauna e demais instalacións de relax.

.Actividades de ximnasia de mantemento.

3.- Aos efectos do bono de discapacidade, considéranse persoas con discapacidade quen teña recoñecida legalmente dita condición nun grao igual ou superior ao 33 %. As persoas interesadas deberán achegar certificado da discapacidade emitido polo órgano competente.

4.-Os grupos escolares e asociacións serán como mínimo de dez persoas para poder levarse a cabo a actividade, salvo naqueles casos que, polas características do grupo, deban ser grupos máis reducidos.

5.- A efectos de determinar as inscricións ás que lles resulta aplicable a cota cero, entenderase por primeira matrícula aquela formalizada con posterioridade a entrada e vigor da modificación da presente ordenanza, devengándose a taxa para aquelas inscricións que constitúan segunda ou posteriores matrículas en relación a dita data.

6.-Para acreditar a relación de parella de feito para a cota reducida do abono familiar deberá achegarse copia da inscrición no Rexistro Municipal de Parellas de Feito ou calquera outra documentación que acredite a mesma.

7.- A acreditación da relación matrimonial para o bono familiar realizarase achegando copia do libro de familia.

8.-As liquidacións esixiranse mediante autoliquidación no suposto de altas como usuario da instalación ou na prestación do servizo e mediante recibo por padrón para a taxa vinculada os abonados nos períodos seguintes a alta.

9.- As solicitudes para o dereito á utilización da instalación con persoal, domingos de 17:00 a 21:00 horas, co aforo máximo de 100 persoas, deberán presentarse cunha antelación mínima de quince días.

10.- No abono familiar incluiranse os fillos e menores a cargo do titular deste bono ou do seu cónxuxe ata que cumpran os 18 anos de idad

Para a cualificación das infraccións tributarias, así como das sancións que a elas correspondan en cada caso, estarase ao disposto nos artigos 178 e seguintes da Lei Xeral Tributaria.

A modificación da ordenanza entrará en vigor e comezará a aplicarse a partir do primeiro día do mes seguinte a súa publicación íntegra no Boletín Oficial da Provincia da Coruña, permanecendo vixente ata a súa modificación ou derrogación expresa.